Ginpahanugutan sang Office of the Civil Defense (OCD) ang pagdumala nga pagtapas sang tubo nga nahamtang sa sulod sang 6-kilometer Extended Danger Done (EDZ) sang Bulkan Kanlaon. Suno sa OCD, nakig-angut na ang Regional Incident Management Team (RIMT) sa Local Incident Management Team sang banwa sang La Castellana agud nga e-monitor ang mga tapasero sa pagpanapas sang tubo sa bahin sang Barangay Mansalanao, banwa sang La Castellana nga sakup na sang EDZ sang bulkan. Samtang ginpahanugutan naman sang Task Force Kanlaon ang mga mangunguma nga magpatigayon sang tapas kada las 6 sang aga tubtob las 4 sang hapon. Tinutuyo sini nga balansehon ang safety sang mga tapasero lakip ang ila nga palangabuhian. Patigayunon naman ang strito nga monitoring kag coordination sang mga otoridad para sa safety sang mga mangunguma samtang ginapatigayon ang pag-ani sa mga katubohan.
