Sarang na liwat nga ma access kag magamit ang social media app nga TikTok sa United States of America. Ini matapos nga ginpromisa ni President-elect Donald Trump nga magadihon ini ang pamaagi agud nga i-lift ang ban sa amo nga social media app pinaagi sa pagpasar sang isa ka executive order. Suno kay Trump nga hatagan sini sang kahiguyunan ang TikTok nga magpangita sang approved buyer kag luyag sini nga may 50% ownership position ang United States. Madumduman nga kahapon, nadulaan sang access ang minilyon ka nga TikTok users sa US bangud sa gin-implementar nga layi ni U.S. President Joe Biden sadtong Abril 2024. Nasaad diri nga i-ban ang app sa amo nga pungsud kon indi ini makapangita sang buyer nga isa ka non-Chinese Company.
