Ginbawian sang kabuhi ang 75 ka tawo sa sunog nga nagluntad sa 12-storey Ski Resort sa Bolu sakop sang pungsod Turkey. Suno kay Turkey’s Interior Minister Ali Yerlikaya, gin-detained ang siyam ka tawo lakip na ang tag-iya sang resort bangod sa insidente. Ginreport man ni Yerlikaya nga ang 45 ka bangkay sang mga biktima ang yara na sa karun sa ila nga mga pamilya, samtang ang nabilin nga bangkay ang igapa-idalom sa DNA testing sa forensic institute agod matumod ang identity. Antes pa man ang insidente, 238 ka mga bisita ang narehistro sa resort. Gina-alegar nagsugod ang kalayo sa restaurant nga bahin sang resort, pasado las-3 sang kaagahon, January 21, oras sa Turkey. May pila ka mga survivor ang naglumpat sa bintana agod maluwas ang kabuhi sa nagaluntad nga sunog.
