Sa subong nga panahon, kaisa ka lang makakita sang senior citizen nga nagatrabaho pa sa edad nga 80-anyos pasaka. Kita gani nga hubin pa, gasinakit na ang likod bangud sang ubrahanay. Pero ang isa ka lola sa Kentucky, USA, paskog pa magtrabaho bilang cashier sa isa ka kumpaniya sa edad nga 100-years old. Nagatrabaho bilang cashier sa home depot sa Louisville, Kentucky si JoCleta Wilson, isa ka 100-year old nga lola kag ginakabig nga pinakatigulang nga empleyada sang kumpanya. Sang mapagros pa si Wilson, isa ini ka professional dancer kag businesswoman, malayo sw iya sini trabaho sa karon. Ginpahayag sini nga makaya lang man niya ang trabaho bangud indi man ini adlaw-adlaw. Ang shift sini ang naga umpisa las-6 sang aga tubtob las-10. Twice a week lang man ini kun magtrabaho. Pati gani mga customers indi pa makapati nga 100- year old ang cashier nga nagaatubang sa ila. Ginpakigbahin man ni Lola JoCleta nga makatatlo ka beses na siya nga nag-retiro sa nagkalain-lain nga mga trabaho apang pahayag sini nga indi siya kaagwanta nga wala sang may ginaubra.
