Nagbaton sang ayuda ang 314 ka mga benepisyaryo gikan sa 33 ka mga barangay sa Bacolod sang ila ayuda gikan sa Walang Gutom Program nga ginhiwat sa Gonzaga Gym, Barangay Taculing, Bacolod City tinalikdan nga Enero 20, 2025. Ang nasambit nga food redemption ang ginpatigayon sang Department of Social Welfare and Development (DSWD) – VI, upod ang Department of Social Services and Development (DSSD). Kalakip sa mga nabaton nga mga pagkaon sang mga benepisyaryo ang Bugas, Manok, Itlog, Repolyo, Mansanas, kag iban pa. Ang Walang Gutom Program ang isa sa madamo nga programa sang DSWD may angut sa kagutom sa mga panimalay nga manubo ang kita paagi sa Electronic Benefit Transfer (EBT) card nga may unod nga food credits nga nagalab-ot sa P3,000 nga sarang magamit sang mga benepisyaryo sa pagbakal sang pagkaon sa DSWD accredited stores ukon retailers.
