Wala na sang kabuhi sang nasapwan ang isa ka trisikad driver sa atubang sang opisina sang NBI-Bacolod, las-5:45 sang kaagahon, Enero 24, 2025. Ang biktima ginkilalala nga si alyas Taktak Barbiray, 80-anyos sang Brgy. 6, Bacolod City. Suno kay alyas Bongbong nga isa man ka trisikad driver, wala na nagahulag ang biktima sang iya ini ginpukaw. Gilayon naman nga ginkadtuan sang personnel sang City Disaster Risk Reduction and Management Office (CDRRMO) ang biktima kag gindala na ang bangkay sini sa isa ka punerarya.
