Dako ang nakinot ukon na-save nga pondo sang Bacolod City government sa Mayor Albee Bantug Benitez Cab ukon MABB CAB initiative sang 2024. Sa report ni Internal Audit Services Department Head II Ray V. Agpangan, yara lamang sa P9.9 million ang nagamit gikan sa P25.5 million nga gin-alokar nga pondo para sa fuel expenses sang ciudad sang 2024. Ini ang malayo sa P16. 3 million nga fuel expenses sang 2023. Madumduman nga ang MABB CAB program ang ginlunsar sang 2023 sa tinutuyo nga mapunggan ang mga indi otorisado nga fuel transactions. Ang MABB Cab ang isa ka mobile app kaangay sa mga ride-hailing apps sa diin ang mga government offices kag employees nga kinahanglan sang transportation service assistance ang kinahanglan lamang nga mag-book agud makapatigayon sang ila field work ukon ano man nga obligasyon.
