Ginbawian sang kabuhi ang kapin 12 ka mga pasahero matapos nga ini ang naglulumpat aa ginasakyan nga train kag nabungguan sang katupad nga isa pa ka train sa Western India. Suno sa Press Trust of India (PTI) , ang mga ginbawian sang kabuhi ang mga pasahero nga naglumpat matapos ang impormasyon nga nakuha natuhoy sa sunog nga nagluntad sa sulod sang train. Magluwas sa mga nagtaliwan, kapin anom ka tawo ang pilason suno kay Police Officer Dattatraya Karale. Ang mga naglumpat nga pasahero ang nabungguan sang isa pa ka express train nga naga-usoy sa pihak nga riles. Sa inisyal nga impormasyon may nag-spark sa sulod sang train tuga sang ‘hot axle’ ukon ‘brake-binding’ rason nga ang pila ka mga pasahero ang nag-panic kag ginbutong ang emergency chain, rason nga sila ang naglumpat. Apisar nga ginpanami sang gobyerno ang seguridad sang ila nga riles, madamo sa gihapon nga nagaluntad nga aksidente sa lugar.
