Nagdangat sa kapin 30 milyon ang gintigana nga budget sang probinsya sang Negros Occidental sa palaabuton nga selebrasyon sang Panaad sa Negros 2025. Ini ang natalana nga patigayunon sa Marso 24 tubtob Marso 30 kun sa diin ginalauman nga madamo nga mga Local Government Unit ang magapakigbahin diri. Nahibaluan nga magahatag sang kapin P400,000 nga balor sang ayuda ang Provincial Government sa kada LGU nga magapakigbahin sa nasambit nga selebrasyon subong nga tuig. Samtang makabaton naman sang tag P50,000 ag kada kandidata sa Lin-ay sang Negros. Sa pihak nga bahin, ginpahayag ni Panaad sa Negros Festival executive director Charina Magallanes-Tan nga ang non-government organization partner sang probinsya sini nga tuig amo ang Negros Cultural Foundation Inc. Dugang pa sini nga sa nasambit nga partnership, ila igabutang sa spotlight ang culture and the arts sang mga Negrense.
