Madamo sa aton nga mga Pinoy ang may mahumok gid nga balatyagon para sa mga kasapatan, ilabi na sa mga ido. Una na nga nag-viral sa social media ang litrato sang isa ka ido nga wala na sang duha ka tiil sa unahan, pahayag sa post nga ginhungod ini utod sang mga tawo nga wala sang kaluoy. Madamo sang nagkomento nga mga animal advocates sa diin ila ginapakamalaot ang tawo nga nag-ubra sini sa inosente nga ido. Apang ang ini nga mga alegasyon ang gilayon man ginklaro sang animal kingdom foundation sa diin ila ginpaathag nga indi matuod nga gin-utdan sang duha ka tiil ang nasambit nga ido. Ila ini ginpangalanan nga “putol,” kag siya ang karon na rescue na kag gin-check sang veterinary clinic sa Quezon City. Suno pa sa grupo, inborn ang kondisyon ni ‘Putol’ gani nanawagan man sila sa mga advocates nga indi mag-post sang sala kag indi kumpirmado nga mga impormasyon bangud nga naga-trigger ini sang emotional distress sa mga nagabasa kag iban pa nga mga advocates. Pagklaro sini nga inborn nga wala na na-develop ang duha ka tiil ni Putol sa unahan. Kag siya ang naga-isahanon lang nga tutoy nga nakasalbar sa apat nga ginbun-ag sang iloy sini. Sa karon, nagapaidalon na si Putol sa assessments kag tests. Maga-undergo man ini sang full amputation surgery sang iya deformed nga tiil agud nga matapna ang dugang pa nga mga injuries kag impeksyon. Magakinahanglan man ini sang wheelers agud nga makabulig sa iya nga paglakat.
