Sa pihak nga gintugutan ang pagbalik sang mga pumuluyo sa extended danger zone sang Bulkan Kanlaon sa tion sang adlaw, gina-monitor naman ila pagbalik sa mga evacuation center sa tion sang gab-i.
Ginpahayag ni Office of the Civil Defense Negros Island Region Director Donato Sermeno III nga ila gina-require ang regular nga pagpasa sang report sa kun sin-o ang nagasulod kag subong man nagaguwa sa mga checkpoints sa lugar.
Sa karon, “all accounted for” kag nagatuman sa window period ang mga pumuluyo kag mangunguma lakip na ang mga nagapanapas sang tubo.
Nahibaluan nga ginatugutan ang pagbalik sang mga pumuluyo sa ila balay ukon uma sa sulod sang 6-kilometer radius extended danger zone sa tion sang window period nga humalin las-6:00 sa aga tubtob las-4:00 sa hapon.
