Isa ka pamaagi sang pagbalik sang kalipay sang mga pumuluyo ang paghiwat sang Panaad sa Negros Festival sa tunga sang padayon nga mga aktibidad sang Bulkan Kanlaon. Ginpahayag ni Provincial Administrator Atty. Rayfrando Diaz II nga bisan sadtong Disyembre, gintinguhaan sang Provincial Government nga makasaulog sang Paskwa ang mga evacuees sa mga evacuation centers. Sa pihak sang mga kabudlayan, padayon ang pagdul-ong sang mga bulig kag pagpatuman sang mga programa para sa mga evacuees kag mangin sa mga nagadangop sa Capitolio agud masiguro nga malipay ang tanan. Dugang pa ni Atty. Diaz, pamaagi ini sang pagsaulog sang “unity” ukon pag-isa sang mga Negrense.
