Ginaplano sang gobyerno nga i-siphon sa local market ang 300,000 metric tons sang raw sugar kag taguon sa sulod sang tatlo ka bulan sa tuyo nga mapasaka ang presyo sang nasambit nga produkto. Gindiskusyunan na sang Sugar Regulatory Administration (SRA) board ang implementasyon sang voluntary purchase program para sa current crop year 2024-2025. Sa idalom sang sugar order, baklon sang gobyerno ang 300,000 MT sang kalamay sa domestic market sa premium price sa first come, first served basis sa diin ang mga eligible participants ang hatagan prayoridad sang gobyerno sa future sugar import programs. Ini nga programa ang ginpatuman na sang nagligad nga tuig kag nangin madinalag-on sa bahin sang gobyerno kag sa industry stakeholders.
