Arestado ang tatlo ka mga indibidwal matapos makuhaan sang masobra P400,000 sang suspected shabu sa ginpatigayon nga buy-bust operation sa Purok Bayanihan, Barangay Villamonte, Bacolod City alas-2:35 sang kaagahon, Enero 23, 2025. Ginkilala ang mga arestado nanday Elnar Alegria, 36-anyos, Adonis Sueto 37-anyos, kag Mabel Aurelio, 28-anyos lunsay mga residente sang nasambit nga lugar. Narekober sa mga ini ang kapin 61 grams sang suspected shabu nga ginabulubanta may may standard drug price nga P414,800 kag iban pa nga mga non-drug items. Sa karon, yara na sa kustodiya sang kapulisan ang duha ka mga suspetsado kag magapangatubang sang kaso nga paglapas sa RA 9165 ukon ang Comprehensive Dangerous Drug Act of 2002.
