Ginpaidalum sang Department of Agriculture (DA) ang walo ka mga Local Government Unit sa Negros Occidental bilang pink zone sang African Swine Fever (ASF). Nalakip na nasambit nga pink zone ukon sa DA-National Prevention and Control Program amo ang mga cuidad sang Kabankalan, San Carlos, Silay, Victorias kag mga banwa sang Hinigaran, La Castellana, Pulupandan, kag Valladolid sa Negros Occidental. Kalakip man diri ang banwa sang Ayungon, Vallehermoso kag Bais City sa Negros Oriental. Suno kay Negros Occidental provincial veterinarian Dr. Placeda Lemana, ginaproseso sa karon ang reclassification sang ciudad sang Escalante sa pink zone samtang ginkabig naman nga yellow zone ang cuidad sang Sagay. Dugang pa sini nga ang wala nagasunod ang Negros Occidental sa ASF zoning sang DA bangud ginapahanugutan na sang PVO ang mga breeders kag hog raisers nga magdihon sang sentineling kon nagasunod ang mga ini sa biosecurity measures. Kon maka-comply na ang mga ini sa level 1 requirements sang PVO, pahanugutan na nga mag-sentinel, mag-restock kag liwat nga magpadamo sang ila mga hinuptanan nga baboy ang mga hog raisers. Gina-classify nga pink zone ukon buffer zone ang isa ka lugar kon malapit ini sa mga banwa kag ciudad nga may kaso sang ASF, red zone kun ang isa ka lugar ang may kumpirmado nga kaso kag yellow zone naman sa mga lugar nga ginakabig may mataas nga risgo sang ASF.
