Gin-utas sang M23 nga grupo sang mga rebelde ang kabuhi sang 13 ka mga militar sa Democratic Republic of Congo matapos ang nagluntad nga engkwentro. Ang militar sang South Africa nagsiling nga siyam sang ila mga militar ang nagtaliwan sa pagbulig sa pagduso sang pagsulong sang mga rebelde sa ciudad sang Goma, samtang tatlo ka Malawians kag isa ka Uruguayan ang ginbawian man sang kabuhi. Suno kay French President Emmanuel Macron iya na naistorya ang tagpamuno sang Democratic Republic of Congo kag Rwanda nga tapuson na ang kinagamo. Sa karun ginakuha sang United Nations ang tanan nga mga non-essential staff sang mga tawo pagwa sa Goma kun sa diin masobra isa ka milyon ang naga-istar sa lugar sa tunga sang pagbaskog sang pag-ilinaway. Nagapanawagan ang grupo sang M23 sa mga tropa sang Congo sa Goma nga magsungka agud malikawan ang madinuguon nga insidente. Nagahingyo sa karun si Europe Foreign Policy Chief Kaja Kallas sa M23 nga untaton ang pagsulong kag ila ginapakamalaut ang supporta sang Rwanda sa grupo.
