Pilason ang isa ka babaye matapus nga ginbuno sang isa ka lalaki nga gin-alegar may intellectual disability sa Purok Lion Ville, Barangay Mansilingan, ciudad sang Bacolod, Domingo sang aga, Enero 26. Ginkilala ang biktima sa kay alyas Marisa, 43 samtang ang suspek amo si alyas Zeus, 40, lunsay residente sang amo nga lugar. Sandig sa imbestigasyon sang Police Station 7, nagakaon ang biktima upod ang iya hinablus sa guwa sang ila tiangge, ginpalapitan ang mga ini sang suspek kag ginbuno ang biktima sang kitchen knife. Ginhingagaw naman dala sa ospital si alyas Marisa. Sa karon yara na sa kustodiya sang kapulisan ang suspek.
