Gindeklarar nga champion ang Bailes de Luces sang La Castellana, Negros Occidental sa Dinagyang ILOmination subong nga tuig kag magabaton ini sila sang ₱500,000. Nakuha man sini ang best in choreography, best in lighted costume design, best in production design, best in light design, Bingo Plus best in costume nga may ₱10,000 cash prize, kag Power Mac Center’s Choice Award nga may ₱50,000 cash prize. First runner up naman ang Tanglawan Festival sang San Jose del Monte, Bulacan nga magabaton sang ₱300,000 kag nakuha man nila ang best in performance kag best in music. Pavvurulun Afi Festival sang Tuguegarao City, Cagayan ang nakakuha sang second runner up kag magabaton ini sila sang ₱200,000.
