Nagpaathag ang Philippine Institute of Volcanology and Seismology (PHIVOLCS) nga wala sang dapat kahangawaan ang publiko angut sa gakabatunan nga message halin sa Provincial Disaster Risk Reduction Management Office (DRMMO) nga nagasiling “ Eruption Notice.” Sa interview sang DYHB kay PHIVOLCS Director Teresito Bacolcol, ginpaathag sini nga bisan ang gamay lang nga pagbuga sang abo sang bulkan ang matawag na nga “eruption.” Ugaling lang sadto, nagapagwa lang sila sang eruption notice kun maglab-ot sa 1,000- 1km ang abo nga ginabuga sang bulkan. Suno kay Bacolcol, ang pagbag-o sa mabasa nga text message amo ang para lang ma-correct ang terminolohiya nga dapat usaron kada magbuga abo ang bulkan Kanlaon. Sa pihak nga bahin, na-monitor naman nga sang tinalikdan nga mga inadlaw, nakarekord sang inoras nga kalawigon sang ash emission ang bulkan. Pinakalawig nga ash emission amo ang natabo sang December 23 sa diin naglawig ini sang lima ka oras. Dugang pa ni Bacolcol nga nagabuga sang abo ang bulkan kun ang bato sa sulod sini ang nagkalabukat tuga sang nagabukal nga tubig sa sulod. Sa karon padayon ang pag-monitor sang Phivolcs sa aktibidad sang bulkan ilabi na kun magpadayon ang pagdamo sang ash emission events kag volcanic earthquakes
