Nagabulig karon ang Department of Social Welfare and Development (DSWD) sa pagtuon sang masobra isa ka libo nga mga school-aged children nga yara sa 23 ka mga evacuation centers bangud sang aktibidad sang Bulkan Kanlaon. Suno kay DSWD Assistant Secretary Irene Dumlao, ang mga filed office camp coordinators apisar sang ila masako nga schedule, ang nagabulig pa sa pagtuon sang mga estudyante. May mga personnel man sang DSWD nga nagabulig man sa learning materials sang mga estudyante. Suno sa DSWD, yara sa 1,600 ka mga school-aged children ukon ang mga naga-edad sang 6-12 anyos ang yara karon sa 23 ka mga evacuation centers. Madumduman nga halin sang liwat naglupok ang Bulkan Kanlaon sang Disyembre 9, 2024, pila ka mga eskwelahan nga malapit sa bulkan ang nagsaylo na sa blended learning ukon kombinasyon sang face-to-face classes kag modular learning.
