Indi magnubo sa P1 billion ang na-generate nga sales sang ciudad sang Cadiz sa Dinagsa Festival 2025 suno kay Cadiz City Mayor Salvador “Bading” Escalante Jr. Sa interview sang DYHB kay Mayor Bading, ginpahayag sini nga base sa ila internal audit nga in-charge sa data gathering yara sa kapin isa ka bilyon ang ang natipon nga kwarta sang ciudad kun economic activity sa Dinagsa Festival ang paga istoryahan. Yara man sa masobra 500,000 ang estimated nga kadamuon sang tawo nga nagbisita sa Cadiz sa highlights sini tinalikdan nga Dominggo, Enero 26. Suno kay Mayor Bading, challenge karon sa ila kun paano mas panamion pa ang madason nga selebrasyon sang kapistahan. May mga nagasuhestiyon nga magdala sang mga artista sa Dinagsa apang suno kay Mayor Bading, wala man sila sang pabutangan mga artista bangud puno kaayo ang kada stage. Dugang pa sini, may mga guest performers kag DJs man nga mas nagapasadya sa mga nagabuylog sa Dinagsa Festival. Dugang pa sini, nangin “wholesome, friendly and fun,” ang kapistahan sini nga 2025.
