Nagpirma sang apat ka mga executive order si United States President Donald Trump natuhoy sa pagbag-o sang porma sang militar, lakip na ang pagdumili sa mga tropa nga transgender nga naga-serbisyo sa US armed forces; pagdula sang nagkalain-lain nga mga programa, paghatag sang patas kag paglakip sang mga militar sa programa; kag pagpabalik sang back pay sang mga ginpahalin sa serbisyo matapos nga nagpamalibad nga magpabakuna sang Covid-19. Ginpirmahan ni Trump ang amo nga executive order samtang sakay sa eroplano pabalik sa Washington nagikan sa Florida. Nagpanumpa bilang secretary of defense si Pete Hegseth kun sa diin plano niya nga magpa-implementar sang ‘major cultural changes’ sa militar. Suno kay Hegseth, madamo pa sang masunod nga executive order nga pagapirmahan ang president ilabi na ang pagkakas sang ‘diversity, equity and inclusion’ (DEI) sa Pentagon. Madumduman gin-ban sadtong tuig 2017 ni Trump ang mga transgender nga naga-serbisyo sa militar, apang ini ang gin-apelar ni former President Joe Biden.
