Ginkumpirmar ni Silay City Mayor Joedith Gallego nga wala na naga-report sa City Hall ang ila city legal officer nga si Atty. Janus Jarder.
Sa interview sang DYHB, ginpahayag ni Mayor Gallego nga wala naman sila sang komunikasyon ni Atty. Jarder.
Apang nakalab-ot na sa alkalde nga gin-serbehan sang contempt order ang city legal officer.
Nagpadala sang pormal nga komunikasyon si Mayor Gallego kay Atty. Jarder nga isumiter ang iya kaugalingon sa House of Representatives nga amo ang nag-issue sang contempt order apang wala man ini nakasabat.
Nahibaluan nga makaduha ka beses nga gin-cite in contempt si Atty. Jarder bangud sang pagbinutig kag paglikaw sa pagsabat sa importante nga mga palamangkutanon sa hearing sang Committee on Public Accounts tinalikdan nga Disyembre 18.
Ang inquiry ang angot sa ginaalegar iregularidad sa procurement process sa P1.1 billion nga loan sang Silay City Government.
