Nagbisita si Mayor Albee Benitez sa temple kagab-i kadungan sang Chinese New Year eve para magpangamuyo para sa pagsanyog, ikaayong lawas kag pag-isa. Nahibaluan nga nagahiwat karon ang ciudad sang Bacolaodiat festival bilang kabahin sang selebrasyon sang Chinese New Year nga magalawig tubtob sa Pebrero 2. Hiwaton ang festival sa North Capitol road sa diin may mga kiosko nga magabukas kag may mga nagkalain-lain nga programa nga ginpreparar.
