Nagdangat sa kapin pito ka tawo pilason matapos masunog ang Air Busan Airbus plane padulong sa Hong Kong samtang nagapreparar nga mag-take off nagikan sa Gimhae International airport nga nahamtang sa Busan, South Korea. Luwas naman sa katalagman ang 176 ka mga pasahero sang eroplabo kag crew members. Suno sa Fire authorities sang Busan, pito ka tawo sa karun ang ginadapatan sang nagakaigo nga pagbulong matapos makaagom sang minor injury sa nagluntad nga sunog. Apat sa mga biktima ang nakabatyag sang kabudlayan sa pagginhawa bangod sa aso samtang tatlo naman ka mga pasahero nga naga edad 50 kag 70 anyos ang nagpalanakit ang tailbone kag likod. Ginpahayag sang local news agency sang pungsod, nagsugod ang kalayo sa ikog nga bahin sang eroplano, apang padayon pa ang imbestigasyon kun ano ang ginsuguran sang kalayo. Sa tunga sang amo nga insidente, nagapabilin nga normal ang operasyon sang amo nga airport.
