Ginbawian sang kabuhi ang menor de edad nga babayi matapos nga ini ang gin-atake sang bagis sa isa ka sikat nga tourist spot nga nahamtang sa East nga bahin sang baybayon sang Australia.
Nagluntad ang amo nga insidente pasado las-5 sang hapon, Lunes nga adlaw, Pebrero 3, oras sa amo nga pungsod, sa Woorim Beach sa Bribie Island, suno sa Queensland State police.
Sa inisyal nga impormasyon, naga-edad sang 17-anyos ang biktima.
Suno sa spokesperson sang kapulisan, samtang nagapaligo ang biktima, ini ang gin-atake sang bagis amo nga ini ang nagakaagom sa patal nga mga pilas nga gintunaan sang iya kamatayon.
Samtang ginpahayag ni Christopher Potter, residente sa amo nga lugar, masami nga ginapaliguan ang amo nga resort.
Ginkatingalahan man sang pila ka mga kapulisan nga ang pagpang-atake sang bagis ang malapit sa hunasan.
