Nagpatigayon sang Covenant Signing, Unity Walk kag Interfaith Prayer ang Negros Occidental Police Provincial Office (NOCPPO) kaupod ang EB Magalona Municipal Police Station para sa mga local candidates nga natalana nga magapapili sa maabot nga May 2025 National kag Local nga Election.
Sa pagpanguna ni NOCPPO Provincial Director PCOL Rainerio M. De Chavez ang aktibidad ang gintambungan sang mga katapo sang Comelec Office, 605th Maneuver Company, 1st NOPPSC, Philippine Army 79IB, mga katapo sang Bureau of Fire Protection kag ang mga personalidad nga magapapili sa eleksyon.
Nangin yara man ang presensya ni Rev. Fr. Ernie Larida nga nagaserbe bilang Kura Paroko sang St. Joseph the Worker Parish kaupod si Reverend Erly John Tayco.
Nag-umpisa ang aktibidad pinaagi sa Unity Walk sa palibot sang Public Plaza sang banwa nga ginsundan sang interfaith prayer samtang ginkabig naman nga highlight amo ang Peace Covenant Pledge kag Ceremonial Signing of the Covenant nga ginpasakopan sang mga kandidato kag mga tiglawas sang nagkalain-lain nga ahensya agud ipakita ang commitment sa malinong kag mahipid nga piniliay.
Natapos ang aktibidad pinaagi sa Ceremonial Releasing Of White Balloons nga nagasimbolo sang katapusan nga katuyuan sang ginaluman malinong nga eleksyon.
