Magapatigayon sang seperado nga imbestigasyon ang Bacolod City Commission on Human Rights (CHR) natuhoy sa pagkadula ni Kent Mojica nga residente sang Barangay 16.
Ginpahayag ni Vincent Parra, head sang Bacolod City- CHR, magapatigayon ang ila talatapan sang matul-id nga imbestigasyon base sa impormasyon nga ginhatag sang iloy sang missing.
Ginkabig ni Parra nga ang amo nga kaso, ang gina-alegar kaso sang kidnapping, abduction, kag alleged enforced disappearance.
Natalana nga magapakig-angot ang ang CHR sa law enforcement agency partikyular na sa Bacolod City Police Office kag nagapangabay nga sila ang magpartisipar kag mag-koordinar sa patigayunon nga seperado nga imbestigasyon sang talatapan.
Nagalaom si Parra nga buhi kag yara sa maayo nga kahimtangan si Kent, siya man ang nagpasalig sa himata sang missing nga sila ang pagabuligan sang CHR.
Madumduman narekord nga missing si Mojica kadungan sang iya abyan nga si Elmo Lopez sang tinalikdan nga Enero 22, 2025 nga pareho nga under probation sa kaso nga may kaangtanan sa illegal nga droga.
