Sa pag impeach sang House of Representative kay Vice President Sara Duterte kahapon, Pebrero 5, buot silingon bala sini nga makakas na siya sa iya posisyon?
Kaangay sa iban nga kaso, kinahanglan mag-agi ini sa due process, partikular nasa impeachment trial.
Kapin 11 ka mga house members ang na-assign agud magserbe bilang prosecutors sa Senate impeachment trial ni Duterte agud mahibal-an ang iya mangin kapalaran.
Pili lamang nga mga government officials ang sarang ma impeach. Ang Presidente, Bise Presidente, miyembro sang Supreme Court, mga katapo sang Constitutional Commission kag Ombudsman.
Nakabutang sa Article 6 sang 1987 Constitution, nga ang kun sin-o man nga miyembro sang House of Representative ukon Filipino Citizen—kun iga indorso sang isa ka house member ang pwede mag-file sang impeachment complaint.
Diri gilayon iga-assess sang House Justice Committee ang nasambit nga complaint kun bala supisyente ang kaundan sini.
Apang, mas madasig nga pamaagi kun one-third sang total number sang mga nagapungko nga congressmen ang maga-indorso sang mismo nga reklamo.
Kun matabo, gilayon ini nga ipasa sa Senado.
Sa kaso ni Duterte, tatlo ka impeachment complaints ang na-file sang nagkalain-lain nga complainants. Ugaling lang wala ini natigayon nga mapaidalom sa commitee hearing.
Apang, kahapon nga adlaw, ginkakibot sang publiko ang ika-apat nga impeachment complaint batok sa Bise Presidente.
Unod sini ang 33-page complaint lakip na ang anum ka article sang impeachment.
Nabalhag diri ang alleged betrayal of public trust, commitment of graft and corruption, violation of the Constitution, commitment of high crimes, including conspiracy to commit murder kag committing acts of destabilization.
Indi kaangay sang tatlo ka nauna nga complaints, ini ang ika-apat ang gilayon gin-indorso sa Senate matapos nga 215 ka mga house members ang nagpirma diri.
Apang ano bala ang matabo kun i-convict sang Senate si VP Sara?
Kun matigayon, gilayon nga makakas bilang Bise Presidente si Duterte, siya ang indi na sarang pa magpadalagan sa ano man nga governent position lakip na ang ginapanawagan sang iya supporters nga magpadalagan siya bilang Presidente sang Pilipinas.
Sin-o ang magabulos sa iya pwesto kun siya ang makakas bilang VP?
Pagapangunahan ni Presidente Ferdinand Marcos Jr. ang pag-nominate sa sin-o man nga miyembro sang Senado ukon House of Representatives nga magabulos sa pwesto ni VP Sara.
Ang nominee ang kinahanglan i-confirm pinaagi sa majority vote sa duha ka chamber pinaagi sa separado nga pagboto.
Yari ang 11 ka nga lawmakers nga magaserbe prosecutors sa impeachment trial:
* Rep. Gerville “JinkyBitrics” Luistro (Batangas, 2nd District)
* Rep. Romeo Acop (Antipolo, 2nd District)
* Rep. Ramon Rodrigo Gutierrez (1-Rider Partylist)
* Rep. Joel Chua (Manila, 3rd District)
* Rep. Rau Angelo “Jil” Bongalon (AKO Bicol)
* Rep. Loreto Acharon (General Santos, Lone District)
* Rep. Marcelino Libanan (4Ps Party-list)
* Rep. Arnan Panaligan (Oriental Mindoro, 1st District)
* Rep. Ysabel Maria Zamora (San Juan, Lone District)
* Rep. Lorenz Defensor (Iloilo, 3rd District)
* Rep. Jonathan Keith Flores (Bukidnon, 2nd District)
Matapos mapasa sa Senado ang Articles of Impeachment, maga-draft ang Senate sang bag-o nga impeachment rules antis magsugod ang aktwal nga trial.
Apang posible nga madugayan pa ini bangud sang natalana nga session break sang Senado para preparahan naman ang May 12,2025 elections.
Si Duterte ang ika-lima nga top official sang Pilipinas nga ma-impeach pagkatapos ni anay Presidente Joseph Estrada, isa ka miyembro sang ombudsman, anay Supreme Court chief justice Corona, kag isa ka anay chairman sang Comelec.
Apang sa kasaysayan sang Pilipinas, si Corona lang ang na-convict sang Senado.
