Gin-deport ang kapin 104 ka mga Indian citizens sa Estados Unidos sakay sa military aircraft, suno opisyal sang Punjab state sa pungsod India. Ang C-17 nga eroplano, nga nagadala sang mga migrants nagikan sa Gujarat, Maharashtra kag Punjab state sang India ang nag-abot na sa Northwest city sang Amritsar. Ginkabig nga amo ang pinakamalawig nga biyahe sang mga migrants nga gindul-ong sang Estados Unidos, sumugod sang administrasyon ni President Donald Trump. Ang mga abyan kag pamilya sang pila ka mga nagpauli, nagpakigbahin sang mga kabudlayan nga gin-atubang sang mga gin-deport agud makalab-ot sa US, apang sila lamang ang gilayon nga pabalikon matapos ang pag-abot sa pungsod. Madumduman isa sa mga plano ni Trump nga mapa-deport sa Estados Unidos ang mga illegal migrants sa pungsod.
