Nagpatigayon sang unity walk kag peace covenant signing ang mga kandidato nga magapapili sa local nga election sa sining tuig 2025 sa banwa sang Moises Padilla, Pebrero 9,2025.
Ginpangunahan sang Philippine National Police (PNP), sa koordinasyon sang Commission on Elections (COMELEC), Department of the Interior and Local Government (DILG), Philippine Army, lokal nga panguluhan sang Moises Padilla, kag nanuhay tuhay nga relihiyuso nga grupo sa banwa ang nasambit nga aktibidad.
Sa kabug-usan may yara sang 21 tanan ka mga kandidato nga magapapili sa nanuhaytuhay nga posisyon sa Moises Padilla apang 17 lamang ang nagtambong sa unity walk kag peace covenant signing.
Ginpangunahan naman ni Mayor Ella Celestina Garcia Yulo ang grupo sang administrasyon, kaupod si Vice mayoral aspirant Felix Mathias Segundo Yulo III yara man sanday reelectionist councilors Vincent Bryan Garcia, Dowen Michael Ogatis, Joenes Frias, Romulo Fajardo, Sally Alconera, kag Pedro Magquilat Jr. Samtang Aspiring councilors naman sanday Omega Bangcaya kag Morito Flores.
Samtang sa oposisyon nagtambong man ang Mayoral aspirant nga si incumbent Vice Mayor Adrian Villaflor, vice mayoral aspirant kag incumbent Councilor Filomena Joey Nazareno ,Councilor aspirants nga sanday Ariel Estos, Michel Edang, Marc Maribao, kag Nolnol Carpentero kag re-electionist councilor Ma. Lourdes Aurelio.
