Pasado sa first reading ang ordinansa nga ginaduso ni Councilor Thaddy Sayson nga hatagan sang special electric permits ang informal settlers sa syudad sang Bacolod. Suno kay Councilor Sayson, simple lamang ang ordinansa apang madamo ini nga epekto ilabi na sa informal settlers. Ini makapahapos sa mga informal settlers nga magpatakod sang kuryente. Ang epekto sini malikawan ang mga jumper, mahatagan authority ang mga informal settlers nga magkakuntador nga legal, kag mapanubo ang “system loss”. Nakaschedule naman subong nga semana ang hearing sang ordinansa. Igalakip naman ni Sayson ang water connection sa ordinansa.
