Maga negosyar ang pila ka transport group diri sa ciudad sang Bacolod sa LGU sa kun ano ang pwede mahimo kasunod sang ila plano nga pag-untat biyahe sunod nga semana, Pebrero 17-21,2025.
Sa interview sang DYHB kay Bacolod Alliance for Commuters Operators and Drivers (BACOD) President Rudy Catedral, ginpahayag sini nga magadepende lang sila sa kun ano ang mangin win-win solution sa ila nga sektor kag sa ciudad.
Madumduman nga una na ginpahayag sang Bacolod Traffic Authority Office (BTAO) nga magapangdakop sila sang mga traditional jeepney nga wala sang updated nga permit umpisa Pebrero 16.
Suno kay Catedral, hinali madayon ang ila untat biyahe, madamo nga sektor gid ang maapektuhan bangud sa ila palang nga grupo sa BACOD-MANIBELA, masobra 450 na ang unconsolidated traditional jeepney units.
Ini ang makatug man sang domino effect suno kay Catedral sa diin ang lubos nga maapektuhan amo ang nga commuters.
Paathag sini nga wala man sila kun tani nagplano sang untat biyahe kun wala lang nag una pagwa sang pronouncement ang ciudad.
Paathag sini nga diretso man sang ciudad magpatuman sang layi apang tani gin-inchindi man sini nga tuman pa kakomplikado sang transport sector sa karon.
Sa karon, ginatinguhaan sang grupo nga makakuha sang datus halin sa chamber of commerce sa kun pila gid kabilog ang mga traditional jeeps diri sa ciudad ang unconsolidated.
Ini agud pamatud-an kay BTAO head Patrick Lacson ang ginapakigbato sini nga 90-95% na ang consolidated traditional jeeps diri sa Bacolod City.
