Ginpasinduggan sang Negros Occidental Police Provincial Office ang anum ka mga police stations sa probinsya sa ginpatigayon nga Awarding Ceremony sa NOCPPO Kanla-on Hall, Camp Alfredo M. Montelibano Sr., Barangay Estefania, Bacolod City subong nga adlaw, Pebrero 10, 2025. Ini ang may angut sa Birada Semana tinalikdan nga Enero 6 tubtob Enero 12, 2025 sa idalum sang apat ka mga kategoriya. Ginkilala ang Silay City Components Police Station sa bahin sang Most Number of Police Operations on Illegal Gambling samtang ginkilala naman Municipal Police Stations sang Isabela kag Moises Padilla sa idalum sang Most Number of Police Operations and Arrest of Most Wanted Persons. Sa pihak nga bahin, ginkilala naman ang Municipal Police Stations sang Hinigaran kag Pontevedra sa bahin sang Most Number of Police Operations on Illegal Drugs samtang ang Victorias Component Police Station ang ginkilala para sa Most Number of Police Operations and Arrest of Other Wanted Person. Ang paghatag pasidungog ang isa ka pamaagi sang NOCPPO agud hatagan sang pagkilala ang mga police stations sa ila padayun nga pagtinguha kag pagpasanyog sang public safety sa ila tagsa ka mga area of responsibility.
