Natalana nga magasugod ang campaign period para sa May 2025 national and local midterm elections subong nga adlaw, Pebrero 11, 2025. Ini sandig sa Comelec calendar of activities kun sa diin gintalana nga Pebrero 11 magasugod ang kampanya sa bahin sang Senatorial kag Partylist nga mga kandidato. Samtang Marso 28 naman magasugod ang kampanya para sa House of Representatives, provincial, city kag municipal candidates. Base sa calendar sang Comelec, magatakop ang campaign period sa Mayo 10 apang wala nadala sa adlaw sang kampanya ang Huwebes kag Biyernes Santo sa paghatag ligwa sa selebrasyon sang Semana Santa. Nahibaluan nga nagapadayun kag epektibo sa gihapon ang Comelec gunban nga ginpatuman tinalikdan nga Enero 12 tubtob Hunyo 11. Naga-apelar kag nagahinyo naman ang Comelec sa tanan nga mga national kag local candidates lakip na ang mga supporters nga magsunod sa mga ginapatuman nga guidelines kag mangin responsable para sa malinong kag madinalag-on nga piniliay.
