Totally damage ang isa ka balay kag partially damage ang isa pa sa nagluntad nga sunog sa Purok Roxas Village, Barangay Tangub sa ciudad sang Bacolod, las 10:48 sang aga, Pebrero 11.
Ginpahayag ni Bureau of Fire Protection Bacolod Chief Investigator Fire Officer 2 Rolin Paulan, nagsugod ang kalayo sa southwest portion nga bahin sang balay ni Edgardo Asplico.
Sa inisyal nga imbestigasyon, electrical overloading ang gintunaan sang sunog bangod nadiskubrihan base sa ebedinsya nga nakuha nga may naga-tap sang kuryente sa ila ni Asplico.
Nakaagom sang paso sa bahin sang nawong si Asplico kag nagdangat sa ₱41, 000 ang ginbilin nga kahalitan sang amo nga sunog.
