Nagdangat na sa P913.026 millyon ang balor sang kahalitan nga ginbilin sang Bulkan Kanlaon humalin sang paglupok sini tinalikdan nga Disyembre 9, 2024. Base sa datos sang Department of Agriculture – Negros Island Region (DA NIR), yara sa P130.5 million ang halit sini sa probinsya sang Negros Occidental samtang P782.49 naman nga kahalitan sa Negros Oriental nga ginbug-usan sang 4,066 nga apektado nga mga mangunguma. Suno kay DA NIR, magahatag sang input supply support ang ahensya sa mga apektado nga mga mangunguma sa tion nga magbalik na ang mga ini sa ila nga mga talamnan.
