Sa karon nga panahon, makibot ka na lang sa mga nagatuluhaw sa palibot mo, kalabanan sa mga ini, mga imposible pa nga pagkabutang. Kaangay na lamang sang natabo sa Sarandí stream sa Buenos Aires, Argentina, sa diin ang tubig sang suba, nag-duag pula. Nagtuga sang pagkahangawa sa mga residente ang pagbaylo sang tubig sa suba sa diin kaangay sang dugo ang itsura sini. Ini ang nahamtang malapit sa Villa Inflamable, sa banwa sang Avellaneda, ang lugar sa diin nahamtang ang tanneries kag iban pa nga mga factory nga naga-transform sang panit ka sapat sa mga leather materials gamit ang kemikal. Ang litrato sang pula nga tubig sa suba ang madasig nga naglapta sa social media sa diin madamo sang naghatag sang ila kaugalingon nga opinyon angut diri. Suno sa isa ka local resident nga si María Ducomls, magluwas sa kahaladlukan sini nga itsura, kaisog pa sang baho sang nasambit nga tubig. Sa pihak nga bahin, ginpaidalum na sa test ang tubig kag ginahulat nalang ang resulta sini.
