Isa ka Shih Tzu-Poodle mix nga police dog nga nagahingalan “Tiger” ang gindayaw sang mga netizen matapos nga nalakip ini sa promotion sang 200 ka mga police personnel sa ginpatigayon nga simultaneous oath-taking sa Taytay, Rizal, tinalikdan nga Hwebes, Feb. 6. Una na nga nagpakigbahin ang Rizal Police Provincial Office (Rizal PPO) sa nationwide oath-taking, donning, and pinning of ranks sa 2nd-level uniformed personnel para sa 2024 calendar year. Sa kabug-usan, kapin 33,143 ka mga police personnel nationwide ang na-promote sa mas mataas nga ranggo. Isa sa ila ang ido nga nagapangalagad sa Rizal PPO nga si Si Tiger nga amo ang gin-promote bilang corporal. Madamo man sang nalipay sa bag-o nga achievement ni Tiger ilabi na ang mga pamilya sang mga police personnel nga nagbuylog sa aktibidad. Suno sa mga ini, isa ka friendly kag mabuot nga ido si Tiger. Lahog naman sang iban, mayo pa ang ido, na-promote!
