Nag-untat na ang muddy stream flow nga nagluntad sa kasubaan sa banwa sang La Castellana kasunod sang minor explosive eruption sang Bulkan Kanlaon tinalikdan nga Pebrero 6. Ginpahayag ni La Castellana MDRRMO Head John de Asis nga ang nagluntad nga muddy stream flow ang resulta sang localized thunderstorms nga tuga sang shear line. Gin-anod sang tubig sa mga kasubaan sa La Castellana padulong sa gibwangan sang Binalbagan River ang nagsupot nga abo nga ginbuga sang Kanlaon sa nagluntad nga mga ash emissions kag subong man sang mahina nga paglupok sadtong Pebrero 6. Ginklaro naman ni De Asis nga wala naglapaw sa mga suba ang gin-anod nga lunang kag abo. Suno kay De Asis, may light discoloration ukon medyo malubog pa ang tubig sa ila mga kasubaan apang mas matin-aw ini ikumparar sang nagligad.
