Indi manubo sa lima ka kilometro ang pagsaka sang magma sa bulkan Kanlaon halin sa crater sini suno sa Philippine Institute of Volcanology and Seismology (Phivolcs). Sa interview kay Phivolcs director Teresito Bacolcol ginpahayag nga amo ini ang ila nakita base sa pila ka mga parameters lakip na ang data nga nakuha halin sa ila tilt meters kag Electronic Distance Measurement. Tatlo ka mga scenarios sa gihapon ang ginalantaw sang Philvocs nga posible matabo. Una amo ang pagsaka sang magma kag matuga sang pag ilig sang lava sa crater apisar wala sang may matabo nga explosive eruption kag mangin limitado lang ang kahalitan sini. Ika duha nga scenario amo ang gilayon nga pagsaka sang magma sa diin mabarahan sini ang alagyan padulong baba sang bulkan kag magtuga sang mabaskog nga eruption lakip na ang pagluntad sang hazardous pyroclastic density current. Pinakaulihi nga scenario amo ang pag-untat sang pagsaka sang magma kag diri maga-untat na ang aktibidad sang bulkan. Pinakadelikado sa tatlo ka mga scenarios suno kay Bacolcol amo ang ika-duha sa diin dako ang posibilidad nga magsaka ini sa Alert Level 4.
