Ginbawian sang kabuhi ang masobra 50 ka tawo matapos mahulog sa taytay ang ginasakyan nga bus sa Guatemala. Suno sa The National Civil Police, nagdangat na sa 54 ka mga pasahero ang ginbawian sang kabuhi kag 10 ang pilason sa amo nga aksidente. Ang bus ang nagabiyahe nagikan sa banwa sang San Agustin Acasaguastlan padulong sa capital city sang aksidente nga nahulog ini sa taytay nga naga-konekta sang dalan kag creek nga ginabulubanta 20 meters ang kataason. Nakita sa litrato nga nalunod sa tubig sang creek ang bahin sang bus nga ginpalibutan sang mga tawo nga wala na sang kabuhi. Nagdeklarar si Guatemalan President Bernardo Arevalo sang tatlo ka adlaw nga national mourning.
