Naghatag sang panugyan si Bacolod City Acting Mayor El Cid Familiaran sini nga Pebrero 14,2025 sa diin ginasaulog ang Valentine’s Day.
Sa interview sang DYHB kay Familiaran, ginpahayag sini nga ang Valentine’s day ang tion sa diin masami ginapabutyag sang kadam-an ang ila nga nabatyagan para sa isa ka tawo.
Dugang sini, nga kabay ini man ang tion sa diin ipabatyag man sang mga kabataan ang ila pagpalangga sa ila mga ginikanan kag pamilya.
Suno pa sa Acting-Mayor, pagkatapos date sa tagsan ka mga partners, date naman kaupod ang bilog nga pamilya.