Makabulig sang 90% sa imbestigasyon sang Talisay City Police Station ang pagwa sang resulta sang autopsy examination sa bangkay ni Carl Kimberlyn Degabi. Madumduman si Degabi ang nasapwan nga wala sang kabuhi kag wala na sang pang -idalom nga panapton sa Hacienda Nilo Lizares, Barangay Matab-ang sa ciudad sang Talisay sang tinalikdan nga Enero 12. Ginpahayag ni Talisay CPS Deputy Chief Police Major Rhazl Jim Jocson, nag-ayo ang pamilya ni Degabi nga indi na ipalayag sa publiko ang kabangdanan sang kamatayon sang biktima. Apang base sa resulta sang autopsy, yara sa lima ka tawo ang ginalantaw nga persons of interest sang kapulisan nga amo ang may kahimuan sang krimen. Nagpasalig kag positibo ang Talisay CPS nga mahatagan sang hustisya ang kamatayon ni Degabi.
