Madamo sang pamaagi agud imo mapakita ang imo pagpalangga sa tawo. Diri nagasulod ang ginatawag nga “love languange” pinaagi sini, imo mas klaro mapabutyag ang imo nabatyagan sa imo nga partner. Nagguwa sa resulta sang Social Weather Survey nga 67% sang adult nga mga Pinoy ang mas ginipili ang ‘act of service’ bilang love language. Ini ang nangin resulta matapos ginpamangkot sa survey kon paano ang mga Filipino magpabutyag sang ila pagpalangga. May yara sang nagkalain-lain nga love language base sa konsepto nga ginpakilala ni American author Gary Chapman: Ang Words of affirmation, Quality Time, Physical Touch, Acts of Service kag Receiving Gifts. Nalakip sa “act of service” ang pagluto sang pagkaon, pag-asikasu sang mga errands, pagbulig sa mga hilikuton sa sulod sang balay kag paghimo sang mga butang sa pihak nga wala ini ginsugo ukon ginhambalan. Suno sa sociologist nga si Dr. Gerald Abergos, indi na makatingalahan ang resulta sang survey bangud duna sa mga Pinoy ang maghatag sang serbisyo kag pag-amoma. Nagasunod naman sa survey ang mga love languages nga Words of affirmation (51%), Quality time (51%), Giving gifts (33%), kag Physical touch (29%). Sini nga Valentine’s Day, mas nagpangibabaw man ang ‘love and companionship’ sa wishlist sa diin nakakuha ini sang 19%, mas mataas kun ipaanggid sa pabor sa Money ukon kwarta nga nakakuha lamang sang 10% santo sa amo man nga survey.
