Ginkanselar na sang United Trasport Coalition (UTC) ang ila plano nga lima ka adlaw nga untat-biyahe umpisa Pebrero 17-21 sa ciudad sang Bacolod.
Sa interview sang DYHB kay UTC officer kag Bacolod Alliance for Commuters Operators and Drivers (BACOD) President Rudy Catedral, nagpasalamat ini kay Bacolod City Mayor Albee Benitez kag sa City Council bangud ginpamatian sang mga ini ang ila sentimento.
Ugaling lang dapat, nagligad pa nila ini napaminsaran. Win-win solution lang suno kay Cathedral.
Sa madumduman, nag-ugat ang ini nga issue matapos nagpagwa sang statement si Bacolod Traffic Authority Office (BTAO) head Patrick Lacson angut sa ila pag-implementar sa dinakpanay sa mga salakyan nga wala maka renew sang permit.
Pagkatapos sang ini nga pronouncement, nagpagwa man sang desisyon ang UTC nga maga untat biyahe bangud indi na nila luyag pa irisgo ang ila units. Ila man ginpanindugan nga indi pwede makadisidir si Lacson nga wala naka-coordinate sa Land Transportation Franchising and Regulatory Board (LTFRB).
Suno kay Catedral, normal lang man mangdakop kun wala permit apang tani, ila man gin intyende kun ano ka komplikado ang sitwasyon sang transport sector sa karon.
