May gindihon nga contingency plan ang Philippine Army agud makabulig ang ila nga pwersa pananglitan may major eruption ang Bulkan Kanlaon sa tion sang eleksyon. Ginpahayag ni 303rd Infantry Battalion Commander BGen Ted Dumosmog nga sigurado nga may disruption kag igasaylo ang iban nga mga polling precinct. Sa sini, maga-deploy ang 303rd IB sang 45 ka mga Army officers, 200 ka mga CAFGU kag 800 ka mga enlisted personnel gikan sa tatlo sini ka mga batalyon. Nagalaum naman si BGen Dumosmog nga wala sang major eruption nga magaluntad bangud ginabanta magasaka sa 75,000 ka mga pamilya sa Bago City, La Carlota City kag La Castellana nga maapektuhan sang massive evacuation kag temporaryo magapuyo sa mga tent cities.
