Ginbawian sang kabuhi ang isa ka pedestrian kag duha ang pilason matapos mabungguan sang pick-up sa bahin sang dalan Araneta sakop sang Brgy. Pahanocoy sa ciudad sang Bacolod, pasado las-5 sang aga sang Sabado, Pebrero 15. Ang biktima nga ginbawian sang kabuhi ang ginkilala nga si alias Alex, 39-anyos, residente sang Mabinay, Negros Oriental; samtang pilason amo nanday alias Ambrocio, 69-anyos sang Brgy. Sum-ag; kag alias Diego, 58-anyos sang Brgy. Tangub sa amo nga ciudad. Ang driver naman sang pangpribado nga salakyan amo si alias Jericho, 23-anyos, sang Brgy. Balingasag Bago City. Base sa rekord sang Bacolod City Police Office- Traffic Management Unit, nadulaan sang kontrol sa pagmaneho si Jerecho rason nga iya nabungguan ang warning sign sang dalan kag mga biktima. Nakaagom sang patal nga pilas ang mga biktima amo nga gilayon sila nga gindala sa ospital, apang si Alex ang gindeklarar nga dead on arrival. Bangod sa amo nga aksidente, si Jerecho ang possible magapangatubang sang kaso nga Reckless Imprudence Resulting to Damage of Property, Physical Injury, kag Homicide.
