Nagapadayon ang pagsaka sang aktibidad sang bulkan Kanlaon sa ini nga mga tinion base sa monitoring sang Philippine Volcanology and Seismology (Phivolcs) La Carlota observatory.
Sa interview sang DYHB kay Science Research Assistant Ptolemy Mañego, ginpahayag sini nga ila nakita ang pagsaka sang narekord nga volcanic earthquakes sa bulkan.
Suno kay Mañego, isa lang ini sa madamo pa nga mga parameters nga ila ginabantayan sa Mt. Kanlaon agud matumod ang aktibidad sini.
Sa madumduman, isa ka semana pa nga nagkanay-kanay ang aktibidad sang bulkan matapos sang natabo nga minor explosive eruption sang Pebrero 6. Isa sa mga posible rason sang pagkalma sang bulkan amo ang pagsupon sang mga abo sa alagyan pagwa sa baba sang bulkan.
Sa ini nga mga tinion, nakita nga naga amat-amat saka ang mga abo nga natipon sa sulod sang bulkan suno kay Mañego.
Sa karon, hugot nga ginabantayan sang Phivolcs ang mga parameters ng posible magtuga sang liwat nga paglupok sang bulkan.
