Naglab-ot sa P621,390,914.31 ang nakolekta sa Bacolod – City Treasurer’s Office (CTO) sa pagtapos sang Business One Stop Shop (BOSS) tinalikdan nga Biyernes, Pebrero 15, 2025. Base sa inisyal nga datos sang CTO, yara pa lang sa 44.85% ang nakolekta sang ciudad gikan sa isa kag tunga nga bulan sang 2025. Suno kay Jecosala, indi naman imposible nga malab-ot ukon masobrahan ang 2024 nga koleksyon nga nagbalor sang P944,524,565.21 bangud masobra na sa P621M ang nakolekta. Nahibaluan nga ginatarget sang CTO nga makakolekta sang P1.3B bag-o matapos ang tuig 2025. Samtang, magahatag ang CTO sang penalidad sang 10% sa mga nagproseso humalin Lunes, Pebrero 17 bangud wala pa sang pormal nga abiso ang Sangguniang Panlungsod may angut sa pag-extend sang BOSS sa ciudad. Ginalauman naman ni City Treasurer’s Office head Jose Maria Jecosala nga may magakuha pa sang bussiness permit kag magataas pa ang ila koleksyon bangud madamo pa ang wala makapalapit sa ila opisina agud mag proseso.
